اللهم اهدني وثبتني على دينك يارب اللهم جنبني الفتن ماظهر منها ومابطن اللهم ارزقني قلبا يخشع وعينا تدمع من خشيتك
استغفر الله اللذي لا اله الا هو الحي القيوم واتوب اليه

مرحبا بزائري مدونتي

اهلا وسهلا بالجميع اتمنى ان تكون هذه الصفحات المطروحة امامكم فيها الفائدة والمنفعة
لكم واي سؤال او استفهام عن اي وصفة معينة انا في الخدمة سأجاوب عليه
كما ارجو ان لا تبخلو عليا بتعليقاتكم المحببة لي او اقترحاتكم لتطوير المدونة للاحسن
تقبلوا تحياتي اختكم سهاد

لرؤية الصور بشكل اكبر واوضح عليكم بالنقر عليها 'كليك'

زوروني في مدونتي الثانية الخاصة بالحلويات

زوروني في  مدونتي الثانية الخاصة بالحلويات
زوروني في مدونتي الثانية الخاصة بالحلويات

الأربعاء، 6 مايو، 2009

حلويات جزائرية ( المخبز )








السلام عليكم و رحمة الله وبركاته

كيفكم اليوم ان شاء الله تكونوا بخير

وصفة اليوم وصفه قديمه لنوع من الحلويات الجزائرية

هى المخبز راح نخليكم مع مقادير الوصفه

1ـ 3 مكيال لوز مرحي

2ـ 1مكيال سكر (انا عملت اقل من مكيال )

3ـ بيض للم الخليط

الطليه (لجلاساج)

كاس حليب و سكر ناعم حوالي 700غ

و ملون غذائى انت و ذوقك

والقليل من عصير اليمون و معطر الي تفضليه

طريقة عمل المخبز

تاخذي المقادير الاولى للخلطة وتلميها وبعدين تبسطيها على طاولة مرشوشة بشوية

فرينة دقيق حلويات وتحاولي تشكليها متل ما تحبي مربعات قلوب او اي شكل تفضليه

ودخليها الفرن حتى تمام الاستوى مش لازم نحمر المخبز حتى ما ينشف معانا وماراح ياخذ وقت

طويل في الفرن وبعدين نطلعوه من الفرن ونخليه يبرد وفي الاخير نكونو محضرين الجلاساج

او الطلية و نغطس حبات المخبز فيها ونخليها تنشف وراح يكون جاهز

وبصحتكم

‏هناك 37 تعليقًا:

  1. يعطيك الصحة والهنا اختي سهاد
    روووووووووعة يسلموا ايديكي

    ردحذف
  2. الله يسلمك حنونتي وتشكري علي كلامك الطيب
    وانت الروعه يا اختي لوراسية

    ردحذف
  3. اهلا صفاء عجباتك الوصفة مليح هههههههههه اني نشوف ؟اختصرتي كلش وكتبتي غير الاسم متشرفين يا صفاء

    ردحذف
  4. ana assfa ma la7kakch le comentair ta3i almohim ya3tik essaha ya chatra safaa

    ردحذف
  5. اهلا صفاء للمرة التانية ومافيش مشكل راهو لحقني تعليقك ومليح اللي عجباتك الوصفة

    ردحذف
  6. أزال أحد مشرفي المدونة هذا التعليق.

    ردحذف
  7. أزال أحد مشرفي المدونة هذا التعليق.

    ردحذف
  8. ربي يحفضك باينة بلي بنينة بصح معنديش الوقت باه نحضرها

    ردحذف
  9. عندى ملومة يخصنى غوسات ساهلة تغرم ورخيصة مايكونش فيها اللور ولا حتى المكسرات يعنى غير الدقيق

    ردحذف
  10. اهلا اختي وشرفتيني زيارتك وبالنسبة للوصفات اللي تكون باللوز تقدري تعوضيها بلكاوكاو ومع اضافة نكهة اللوز وفيه وصفات بلفرينة متلا الغريبية وحلوة النقاش بلغرس والمقروض كلهم بدون مكسرات
    ياريت ذكر اسمك

    ردحذف
  11. مشكورة اختي على هذا العمل الجميل و ربي يحفضلك اولادك كثير حلوين

    ردحذف
  12. شكرا لك اختي والله يحفضلك كل غالي يا رب
    يا ريت لو ذكرتي اسمك في نهاية تعليقك

    ردحذف
  13. يعطيك ألف عافية أختي souhad وربي يحفظ لك أولادك و يخليك لزوجك
    من فضلك إذا تقدري تقترحي لي وصفات نديلها في عرسي هذا الصيف إنشاء الله و مشكورة حبيبتتي
    أنا صبرينة من الجزائر

    ردحذف
  14. اهلا حبيبتي صبرينة شرفتيني في مدونتي
    والف مبروك عليك خطوبتك وزواجك باذن الله والله يسعدك مع زوجك ويرزقك الذرية الصالحة
    وشكرا على كلامك الطيب والله يحفض الجميع

    اختي صبرينة بالنسبة لحلويات عرسك فيه عدة انواع وخاصة في وقتنا الحالي راهم يعملو في الحلويات العصرية واللي شكلها كتير شباب وكل مرة يخرج مودال اجديد وانت عليك الاختيار حبيبتي خاصة راكي ساكنة في الجزائر وانا من عندي تعملي العرايش ونوعين من الفاكية المخدومة باللوز ودزيريات ورزمة العروس خمس انواع وفيها البركة وطبعا المقروض اذا كيما احنا في العاصمة يعملو لكل واحد سهمو في طبسي ولا في ليبوات و يعملو تشكيلة من كل نوع للحلويات
    واهم شيء الهنا حنونتي

    ردحذف
  15. مساء الخير حبيبتي سهاد و لك جزيل الشكر على الأنواع التى إقترحتيها لي لكن عندي مشكل أنا نموت على حلوة الفاكية لكن دائما أخفق في الشكل_منعرفش نشكلها بإتقان_
    أما عن المقروط مهم بزاف في الأعراس
    تهلاي في روحك حنونة و سلامي ل إلياس و هبة و أيضا ولدك الثالث لم تذكري إسمه ربي يحفضهم لك
    عام سعيد2010
    صبرينة من الجزائر

    ردحذف
  16. ختيتي إذا سمحتي نبعتلك إميلي حتى تبعتيلي المقادير تاع الفاكية بالتفصيل أو إذا تقدري أبعتيلي إلى هنا
    مشكورة يا محبوبتي
    صبرينة من الجزائر

    ردحذف
  17. كل عام وانت بالف خير وحياتك المستقبلية تكون خير منلي فاتت وزواحة سعيدة وهانية يا رب
    اختي صبرينة والله انا بالنسبة لحلوة الفاكية درتها زمان بصح مش بهاد الطريقة الحالية ونسيت عليها عندها كتر من 12 سنة تقريبا اما الطرق الجديدة راح ابحثلك على الوصفات وانت حاولي وربي يعاونك وكاش نهار نعملهم باذن الله بصراحة انا هنا وحدي وكل ما نعمل حلويات يقعدو لانو اولادي وزوجي ما عندهم حاجة فيهم ولهذا ما نديرش الوصفات اللي ناكل منهم وحدي بلا ولادي بصح فيه وصفات اللي عملتهم وما نزلتهمش من الحلويات منين داك ادخلي وانت تشوفيهم كي يكون عندي وقت نزلهم في المدونة بأذن الله
    وبالنسبة لايمايلك ابعتيهولي نبعتلك بعض الوصفات

    ردحذف
  18. سلام ختي سهاد واش راكي علابالكي ولله لحلاويات تعكي يهبلو أنا نبغي نتعلم نخدم لحلاويات مي لله غالب منقدرش نتعلم ولديا مخلونيش نتعلم و نتيا بنت وبينا ركي فهمتني بغياك ياختي تعلمني أموا نلقا صنعا في يديا قبل ما يجي مكتوب راك فهما منيش عرفا علاه نتيا بدات مي ديري فيا خير ياختي نتيا أمل ديالي من بعد ربي سبحانو مهم أنا نعطلك اميل نتاعي ونتيا قرار في يديك ربي يخليك ختي HANANMA59@YAHOO.COM

    ردحذف
  19. اهلا اختي حنان والله حبيبتي ان شاء الله في الايامات المقبلة اعمل حلويات ونصورهملك في خاطرك بصح انا راني هاوية حلويات ومانيش مختصة يعني تعلمت وحدي من الكتب وكثرة الاطلاع والانترنت واخجلتيني بكلامك راح انحاول نعمل بعض الحلويات ونصورهملك حنونتي حتي تقدري تبعيني في طريقة عملهم والله يفتح عليك بالخدمة اللي تناسبك وبالزوج الصالح اللي يسعدك يا رب

    ردحذف
  20. مغسي ختي دي رديتي عليا خفت غير متردش عليا مي نتيا بينتلي بلي لازم ندير ثقة فيك ومنقطعش لياس مي مدبيا نتيا تعونني وتيا وجهني كفاه ندير وكفاه نتعلم ونتيا عندكي خبرا كبير صوا في حلاويات ولا في حاجا خرا ودي يخرج وحوس يتعلم ماشي كما واحد قاعد في دار راك فاهما ختي مهم أناراني بين يديك وهدشي ماشي بسيف عليك ولله عادي مهم نتيا تفهمي ونتيا تقري وعلا خطرك ختي سهاد مهم تهلا في روحك وربي يخليلك ولادك ويحفطهملك ايا صحا الي لقاء

    ردحذف
  21. اهلا وشكرا علي كلامك الطيب والله يحفض الجميع وان شاء الله ربي يدير اللي فيها الخير كيما قلتلك في الايمايل انتاعك راني حضرت بعض الحلويات وان شاء الله انزلهم في اقرب وقت لاني صورتهم مازال غير انزلهم في المدونة باذن الله
    يا ريت تذكري اسمك حنونتي في المرة الجاية

    ردحذف
  22. مساء الخير سيدتي الكريمة شكرا على الوصفة ولكن مكيال حليب الطلية أو لجلاساج كم مع 700غ من السكر؟ و شكرا

    ردحذف
  23. مساء النور اختي او اخي السائل ياريت ذكر الاسم
    وبالنسبة لسؤالك هو كاس صغير الحجم مش كبير واهم شيء يكون بارد ونضيف السكر الناعم قليلا قليلا حتى يصبح لدينا خليط متماسك وثخين بعض الشيء وتقدر تشوف نفس الوصفة بشكل ثاني على هذا الرابط
    /http://www.gateau-oriental.com

    ردحذف
  24. مساء الخير،شكرا سيدتي الكريمة على ردك على سؤالي، أنا الهام من الجزائر، ولكن كأس صغير الحجم هل يساوي كأس شاي ؟ أشكرك سيدتي الكريمة مرة أخرى و جزاك الله خيرا ان شاء الله

    ردحذف
  25. صباح الانوار اهلا الهام بنت بلادي وبالنسبة لسؤالك هو كاس حليب صغير ولكنو اكبر من كاس الشاي ,,,,,, اهم شيء انك تضعي كمية صغيرة من الحليب وضعي فوقها السكر بكميات قليلة حتي تشوفي الخليط يصبح مثل الرايب ,,,, وتقدري تشوفي الوصفة في مدونتي الجديدة وراح تشوفي فيها وصفات ثانية وكل مرة راح نضع فيها وصفات جديدة وبالتفصيل لتوضيح الخطوات اكثر لعمل الحلويات الجزائرية وهي مختصة في الحلويات فقط راجية من الله انها تنال اعجابكم وتسهل عليكم عمل الحلويات متمنية دعوة منكم بصلاح حالي واموري انا وعائلتي
    عنوان المدونة حطيتهولك في الجواب اللي فوق

    ردحذف
  26. سلام ختي سهاد توحشتكي بزاف بزاف علاه مركيش تدخلي للايميل نتاعك طجوغ نقارع فيك ختي ولله نحبك بزاف من عند ربي ضمنني عليك أكي ختي سهاد ختك حنان

    ردحذف
  27. السلام عليكم كل عام وانتم باالف خير تقبل الله صيامكم وقيامكم وعيد مبارك علي جميع الامة الاسلامية عامة والجزائرية خاصة موقع رائع وحلويات اروع دمتم متاالقين

    ردحذف
  28. وعليكم السلام ورحمة الله
    شكرا لكم ولتعليقكم وتعيدو وتزيدو وجزاكم الله كل خير على كلامكم الطيب
    تقبلوا تحياتي
    اختكم سهاد

    ردحذف
  29. الله يعطيك الصحة اماني من الشلف

    ردحذف
  30. شكرا حبيبتي اماني على التعليق

    ردحذف
  31. يعطيج العافيه يا رب على الطبخات والحلويات اللذيذه

    حبيت اسال اذا في مجال
    "الكيله"= كم تساوي؟ كوب؟

    ردحذف
  32. شكرا على التعليق أختى والله يعافيك من كل شر وبالنسبة لسؤالك الكيلة المقصود فيها ألمكيال أو ألمقياس وتقدري تقدريها بكوب أو بصحن
    تقبلي تحياتي

    ردحذف
  33. سهاد الله يبارك و يزيد توحشناك بزاااااااااااااف واش هذا الغيبة واش راهم الدراري لاباس طمنيني عليك و صحا رمضانك حبيبتي اخنك ام فريد

    ردحذف
  34. الله يسلمك حبيبتي ام فريد وانا تاني توحشتكم بزاف بزاف وانا ولأولادالحمد لله ان شاء الله تكوني مليحة انت وكل عائلتك وبنات منتدانا الغاىلي

    ردحذف
  35. سهاد يعطيك الصحة على هذه الوصفة بس عندي سؤال مكيال الحليب في الكلاصاج
    كم بالضبط حجم كاس الشاي ام ماذا
    رد سريع من فضلك

    ردحذف
    الردود
    1. اهلا بيكم وبالنسبة لسؤالكم نعم حجم كاس اكبر بقليل من كاس الشاي هي حسب السكر المستعمل لما تشوفي الكلاساج صار ثخين القوام يكون ناجح لهذا قللي من الحليب حتى ينجحلك الكلاساج .......موفقة ان شاء الله

      حذف