الاثنين، 16 نوفمبر، 2009

طعام بلجلبانة او كوسكوس بالبازلاء






السلام عليكم ورحمة الله وبركاته
ان شاء الله كل زوار مدونتي يكونوا بالف صحة وخير
اليوم راح اقدملكم وصفة كتير خفيفة وبسيطة وفي نفس الوقت للذيييذة
وهي الطعام بالجلبانة بالطريقة الجزائرية ومقادير وصفتنا كالتالي
الكوسكوس او طعام
البازلاء او الجلبانة
ملح
زيت زيتون
وفي الاخير اللبن او الحليب الرائب
والطريقة
لازم يكون عندنا قدر خاص بتفوير الكوسكوس
يكون متكون من جزئين القدر والكسكاس او المصفى الخاص اللي يكون في ثقوب حتى يخلي الطعام يطبخ على البخار الطالع من القدر
في الاول نقوم بغسل الطعام وبعدين نصفيه من الماء
ونضعوا علي القدر في الكسكاس وبعد ما يفور الطعام ناخدوه من القدر ونضعوه في صحن واسع او قصعة ونضيفولو الماء وهو سخن تقريبا كاسيبن ماء بارد
ونقومو بهاد العملية مرتين والمرة التالتة نكونو اضفنا فيها الجلبانة
بدون ما انسى الملح نضعوه للكوسكوس لما يفور الفورة الثانية والجلبانة نضيفولها شوية ملح وفي الاخير لما نخلطهم على بعض ونضع عليهم زيت زيتون اذا كانو ناقصين ملح انضيفلهم
وفي الاخير ناكل الطعام باللبن وشوفوا الطعمة كتير كتير طيبة
وبصحتكم

هناك 8 تعليقات:

  1. السلام عليكم اختي سهاد
    يعطيك الصحة دوما تفرحينا باطباقك الرائعة
    هذا الطبق ديروا مرت سلفي هي من العاصمة
    وانا ما جربتوش لكن اكيد راح يكون لذلذ من ايديك

    ردحذف
  2. وعليكم السلام ورحمة الله
    اختي اوراسية الله يسلمك وبالنسبة لهاد الطبق راهو كتير سهل وتعرفي خفيف وبنين واذا كنت ما تحبيش زيت الزيتون دريه بالزبدة يجيك روعة تاني بصح انا نفضل زيت الزيتون لانو صحي
    ومازال ما شفتيش البارح عملت الوصفة انتاع الرفيس بطريقتك مش بطريقتي العادية درتو بالمرجرين مش بالزبدة امبعد نوريلك الصور في منتدانا ان شاء الله

    ردحذف
  3. يعطيك الصحة اختي سهى اليوم رحت شرؤيت الجلبانة هههههههههههههههههه بصراحة هذيك تاع البيض والقرنون سخفتني بزاف حوست عليها وشريتها كونسارف ماشي طازجة يعني
    حبيت نجربها خطرش قريب ناكل الصور ههههههههههههه

    ما قلتيليش الطعم تاع الرفيس كيفاش جاك
    ننتظر الصور تاعك

    ردحذف
  4. اهلا اختي اوراسية والله يا خسارة لو كنتي قدابي برك كنت نديرهالك ونجيبهالك الطبخة اللي حبيتي وعلى فكرة هي طايبة في طاجين الطين المغربي اللي يكون بغطاه يعني طيابها يكون على نار هادية حتى ما يتكسر طاجينك واذا ما عندكش طيبيها في مقلة وراح تجيك تاني بنينه بصح بالجلبانة تاع العلب الكنسارف ما تجيكش كيما المثلجة لانو فيها مواد حافضة تعطيها مذاق خاص المهم جربيها وان شاء الله تعجبك والله اثرتي فيا كيقلتيلي سخفتني ياريتك جارتي ههههههههه وكنت عملتهالك فلحين وجبتهالك
    اما بالنسبة للرفيس جاني روعة وبنين ولكن للاسف ما نقدرش ناكل الكمية كلها هههههههههه والا ما يعودش الباب يدخلني وولادي وزوجي ما عندهم حاجة فحلوياتنا ما يحبوهمش وزوجي مهما عملت من حلويات يفضل حلوى وحدة لكروكي وخلاص فهاديت لصديقتي ومازال منو شوية
    راني كل مرة ندوق حبيبة
    وان شاء الله نزلك الصور في منتدانا عن قريب

    ردحذف
  5. ههههههههههههههههههههه الله يعيشك اختي سهاد
    كانني كليتها من يديك يا طيبة
    تكفيني الصور الرائعة الي حطيتيها

    ما عنديش طاجين الطين بالصح نطيبها فالكوكوت انا قلت بلا ما نغلق عليها يعني طيب على نار هادئة

    ربي يخليك حبيبتي وما تنسايناش فالاسرة ما عدتش نشوف دردشتك معنا

    ردحذف
  6. ما يكون غير خاطرك درك انروح التم ما نقدرش نستغنى عليكم

    ردحذف
  7. ماشاءالله عليك اختي سهاد كل اطباقك رائعة و الكوسكوس بالجلبانة انا كليته من زمان كانت تجي لعندنا حبيبتنا من البليدة و كنا نعملوه لها بصح لو كان نقولك يجي هايل بالفول الطازج الاخضر فوريه كيما الجلبانة تاكلي صوابعك معاه تحاتي الطيبة اختك ام فريد

    ردحذف
  8. اهلا حبيبتي ام فريد وشرفتيني في مدونتي
    وانا نعملو ساعات بلفول وبجلبانة وساعات بلجلبانة وحدها وفي الحالتين يجيو بنان

    ردحذف