الثلاثاء، 29 سبتمبر 2009

التشاراك المسكر ( حلويات جزائرية )








السلام عليكم ورحمة الله وبركاته

اليوم بأذن الله راح انزللكم وصفة الشاراك المسكر وهو من الحلويات التقليدية الجزائرية

المشهورة وتقريبا زمان كان كل بيت يعمل هاد الوصفة بلعيد وهي كتير للذيذة

مقادير الوصفة

3 كيلات فرينه

كيلة مارجرين او السمن تكون مذوبة

ملعقتين من السكر الناعم

قرصة ملح

كاس او كمية كافية لعجن المكوناة اللي عندنا من الماء و ماء الزهر

مقادير الحشو

لوز مرحي 2 كيلات

وسكر رطب كيلة

وملعقة من القرفة للي يحب نكهتها مش ضرورية وعني انا افضلها

وماء زهر ( عطر ) لما يكفي لمزج الحشوة

الطريقة راح توضح من الصور

بعد عجن الخليط الاول ونخليه يرتاح نصف ساعة نحلوه بلحلال ونقطعوه علي شكل دوائر

وبعدين نعمل حشوة اللوز في الوسط ونلف الدائرة على شكل هلال على الحشوة ونحكم اغلاقو

ونضعوه في صينية الفرن لمدة ما نشوفو انو استوى وصار لونو مختلف عن الاول بس ما

نحمروه كتير حتي ما يجف معانا ويصير قاسي

ولما نطلعوه من الفرن نخلوه يبرد ونحطوه في ماء الزهر وبعدين نسكروه بالسكر الناعم

وهاد العملية نعملوها وبعد ما يتماسك السكر في التشاراك نعيد وضعوا مرة تانية في السكر

وفيه اللي يعملو شاربات وبعدين يرمدوا حبات التشاراك في الشاربات ولكن انا افضل

الطريقة الاولى اللي عملتها نعمل ما الزهر وبعدين السكر و حتى حبات الحلوى ما يكون

مذاقها حلو كتير ههههههههههه كلامي كتير ان شاء الله تكونوا فهمتو ا عليا





هناك 80 تعليقًا:

  1. صباح الخير اختي سهاد انا خيرة
    يعطيك الصحة على التشاراك تعرفي عمري ما جربتو منكثر ما كنت نسمع دار ناسي يقولو صعيب خفت نديرو يضحكو علياههههههههه خطراكش هوما ثاني يديروه مليح
    هذا المرة كي نكمل الصيام نعيد بيه ههههههههههههه
    معليش تقوليلي واش لازم ندير باش يخرج اسمي في التوقيع كثرت عليك كبري قلبك هههههههه

    ردحذف
    الردود
    1. والله ماعلابالي ههههههههههههههههه

      حذف
  2. السلام عليكم
    انا خيرة يا سهاد ما انتبهتش بللي نقدر نستعمل معرف غوغل خلاص هنيتك من حاجة مازال القاطو اللي فيه ورقة خضراء عينيا طارو عليه ههههههههههه

    ردحذف
  3. هذا انا ثاني اسمحيلي برك
    شفت الروز اللي درتيه بالشعرية خفت نكتبلك تعليق ما تشوفيهش امالا جيت هنا
    حبيت نسقصيك كي تغلي الروز ومبعد تخلطيه للشعرية علاه تزيدي تمرقي ماشي يكون طايب؟
    وثاني الله يسترك واسمو حب الهيل بالفرنسية؟هل عندو طعم بنين راني نشوف عادو الناس يطيبو بيه بزاف
    وفي الاخير كاين منتدى جزائري بالاك يعجبك اسمه منتدى اللمة الجزائرية4algeria.com

    ردحذف
  4. مساء الخير خيرة كيفك ان شاء الله تكوني بخير

    وبالنسبة لاسمك الحمد لله عرفتي كيف يطلع

    وبالنسبة للقاطو اللي راكي حابة تشوفيه راح نعطيك

    الطريقة ولكن للاسف ما صورتش الطريقة بالتفصيل متل

    التشاراك لان كانت لاباتري انتاع كامرتي فارغة مش

    معمرة وانا كنت خلاص بديت بعض الحلويات ما يهمش

    درك نحاول نفهمك مليح حتي ديريه كيما وصفتي ولا

    احسن منها راكي باينة شطورة فحلة ....عندي سؤال

    ادا كان ممكن انت شكون في موقع لك ماشي زولا يعني

    معرفك اللي سميتي بيه روحك في موقع لك

    صحا فطورك بما انك صايمة

    ردحذف
  5. يسعدني وجودك في مدونتي وعندك الزهر اليوم راني

    معاك في نفس الوقت يعني اساللي وانا نجاوب هههههه

    وبالنسبة لسؤالك عن الرز تقدري تسألي مع الوصفة

    وانا نجاوبك مافيه مشكل راح نعرف انو فيه تعليق

    جديد حتي لو كان في الصفحات القديمة

    الهيل بهار مليح بزاف وريحتوا طيبة ويستعملوه حتى

    في الحلويات واسمو بلفرنسية cardamome والشعيرية

    نحمرها برك مع الاول في شوية زبدة ولا سمن حتى

    يتغير لونها الابيض للون الذهبي وبعدين نحط فوقها

    الرز بعد ما نكون غسلتو وخليتو في شوية ماء دافي

    مدة نصف ساعة ونقطرو مليح من ماه ونطيبو في وقت

    واحد مع الفيرمسال الشعيرية ان شاء الله تكوني

    فهمتيني وفي اقرب وقت نشوف الموقع اللي عطيتيني

    حطيتو في مفضلتي

    اي سؤال راني هنا

    اختك سهاد

    ردحذف
  6. يعطيك الصحة يا حنونتي شحال نحب الناس اللي كيفك كي يبداو حاجة يكملوها ويتبعو خدمتهم ربي يكمللك
    عجبني بزاف القلاساج تاعك رايحة نعتمده منا وجاي
    للاسف انا ماشي زولا هذيك ثاني فنانة ما شاء الله عليكم كامل انا اسمي ام رهام في لك ونتبع ثاني في وصفات زولا ونستنى الجديد تاعها
    ما علاباليش رايك بصح انا من غير حلوياتنا الباقي يجيوني شغل بسكويت تاع كل يوم ماشي تاع مناسبات
    والله اعلم

    ردحذف
  7. أزال المؤلف هذا التعليق.

    ردحذف
  8. اهلا خيرة وشكرا على كلامك الطيب اللي متلك يا طيبة

    هههههه ضحكتيني والله كي قلتي
    (انا الباقي يجيوني شغل بيسكويت انتاع كل يوم

    ماشي انتاع مناسبات )تعرفي حلوياتنا

    احنا الجزائريين او المغاربة بصفة عامة شكلهم روعة

    ويتعبو في تحضيرهم وخاصة احنا الجزائريين يتفننوا في

    اشكال حلوياتهم كل عام ننزل لبلاد نلقى اشكال

    جديدة مازال ما نتعلم لقدم حتى نلقى الجديد

    هههههه والله تعبونا واش نلحقوا ولا واش الله معانا

    أهلا بيك مرة تانية ام رهام والله يخليلك بنتك

    ردحذف
  9. يعطيك الصحة اختي سهاد
    الله يبارك ما شاء الله عليك
    حلوياتك رائعة
    راني نستنى فيك تكمليهم في الاسرة هههههههههههههههه
    راني طماعة
    بالصح كثير عجبوني
    الله يجازيك كل خير

    ردحذف
  10. الله يسلمك اختي لوراسية اخجلتيني بكلامك الطيب

    وما يكون غير خاطرك كل مرة ان شاء الله راح انزلك

    وصفة جديدة

    ردحذف
  11. alla h ykhlik habibati
    ;yahfadak anti w ailatak

    twahachnak ma tghibi alina

    ردحذف
  12. اهلا اختي الاوراسية ان شاء الله نكون دايما معاكم
    وانا تاني تعودت عليكم ونتوحشكم دايما يا بنات بلادي
    الغاليات الله يحفضكم كامل

    ردحذف
  13. مسلخير ختي واشراكي نشكرك بزاف بزاف عل هاذا الحلويات لي راكي تقد متيها عجبني التشراك سراح انا مكنتش نعرف انديرو بصح غدوا انديرو انشاء الله يعجب العائلة برك

    ردحذف
  14. مساء الانوار اختي واهلا وسهلا بيك في مدونتي
    ومليح اللي عجباتك الوصفة وعمليهالهم في البيت اني متاكدة اللي تعجبهم باذن الله
    ويا ريت تذكري اسمك في نهاية كتابة التعليق

    ردحذف
  15. اهلا و سهلا خالتي الحنونة راكي وريتيلي كيفاش يندار التشاراك على خاطر انا درتو اخر مرة ماشي مليح و قالولي هاذا التشاراك نبعتوه لفلسطين يحاربوا بيه .... يعطيك الصحة راكي انقذتيني ....انغام التي تحبكي

    ردحذف
  16. اهلا نغمة حنونتي ليك وحشة يا لعزيزة وشراكي وشراهي ختي لباس هادي مدة ما شفتكمش

    هههههههه ضحكتيني عمري واقيلة غارو منك علابيهة قالولك هكدا ما تزعفيش روحك وروحي ديريه بطريقتي تعرفي يدوب فلفم والله هايل ولكن بشرط ما تخليهش يطول في الطياب في الكوشة لازم يشد روحو ما شي حتان يحمار خليه برك مدة الطياب الازمة ورجعيلي لخبر
    تهلاي في روحك نغمة

    ردحذف
  17. السلام عليكم من البليدة الله يحفظك اختي سهاد على الوصفة ما شاء الله

    ردحذف
  18. اهلا بناس بليدة في مدونتي شرفني حضوركم
    والله يسلمكم ويحفض الجميع
    وياريت ذكر اسمكم في المرة الجاية
    وانتضروني في وصفات جديدة من
    الحلويات المودرن الجزائرية

    ردحذف
  19. شكرا جزيلا على الوصفة الرائعة راح اجربها اليوم بمناسبة المولد النبوي الشريف
    يعطيك الصحة يابنت بلادي ميرس بوكو

    ردحذف
  20. السلام عليكم أختي سهاد باينة حنونة كي أسمك أنا في الحقيقة فتشت على التشاراك المسكر لأني حبيت نخدم بلاتو لوليد جيرانا نهر السبت إن شاء الله عرسو وأنا عمري ما خدمتوش وحدي يعني دايما نخدمو مع الكبار واليوم حبيت نخدمو أنا ومرت خويا وحدنا وهي تاني ما تعرفلوش إن شاء الله برك يجيني مليح ويعطيك الصحة,بارك الله فيك وجزاك كل الخير وربي إن شاء الله يحفظك ويحفظلك ولادك وزوجك شكرا والسلام عليكم

    ردحذف
  21. اهلا حبيبتي وشكرا على كلامك الطيب وان شاء الله ينجحلك ويخرجلك هايل ولكم ما تخليهش فلفور حتان يحمار غير يطيب نحيه من الفور باش يجيك طري كياكلوه وان شاء الله يعجبهم ويشكروك ههههههه تهلاي في روحك حنونتي
    ياريت تذكري اسمك فلمرة الجاية

    ردحذف
  22. السلام عليكم يعطيك الصحة اختي سهاد البارح خدمناه وجانا فوووووووووور روعه وبالصدفة جات خالتو الكبيرة لعندنا وهي البروفيسيونال فالقاطوا جات aprè midi وصابتنا تقريب كملناه كي داقتوا قالتلي:أرنوبة ملوقتاش تعرفي تخدمي القاطوا تغي ديسيونال؟لأنوا أنا نحب الكيك ولي تارت مودرن القاطوا غير فالعياد والمناسبات المهم قلتلها فتشت فلانترنيت وتعلمتوا من عند واحدة قالتلي:جزايرية؟قلتلها:أكيييد هو فالحقيقة عجبها وقالتلي جاكم هايل وتعرفي واش قالتلي قالتلي:عوايدك كي ماتعرفيش تخدمي كاش حاجة تعيطي لخالتك ودركة ولات عندك خالتك جديدة على حساب الشوفة باينة غارت منك هههههههه هههههههههه كثرت عليك حنونة PARDON وربي يحفظك ويحفظلك عايلتك ويجعلك قرة عين زوجك ويجعل اولادكم قرة أعينكم انتي و والدهم إن شاء الله والسلام عليكم
    صح نسيت ما أسميش أرنوبة خالاتي يحبوا يعيطولي هاك أنا أسمي كريمة ونسكن في بومرداس سلام

    ردحذف
  23. اهلا حبيبتي ارنوبةانا تاني في مكان خالاتك اناديك بيه اسم دلع شباب ومتشرفة بيك يا كريمة الارنوبة

    والله فرحتيني كيجاك التشاراك شباب نستعرف بيك انت تلميذة مجتهدة نعطيك 10/10 لانك نجيبة ههههههه
    الله يعيشلك خالاتك باينين يحبوك والله يحفضلك والديك
    ويحفضك ليهم واذا حبيتي روحي لمدونتي الجديدة فيها غير الحلويات عنوانها حلويات جزائرية موجود في بداية الوصلات تاع المواقع المفضلة عندي
    وما كترتيش عليا ما كانلاه تتاسفي بلعكس عجبتيني لخفة دمك وكلامك حلو اكيد مثلك شكرا على دعواتك ليا ولعايلتي
    تهلاي في روحك حنونتي

    ردحذف
  24. السلام عليكم
    اختي سهاد سأجرب التشاراك وأخبرك بالنتيجة أنا أحب التشاراك كثيرا وأتمنى أن انجح

    ردحذف
  25. اهلا اختي وياريت تذكري اسمك في المرة القادمة لما تعملي التشاراك وان شاء الله ينجح واهم شيء تقيدي بالوصفة والطريقة وخبريني
    بالتوفيق حبيبتي

    ردحذف
  26. اسلام عرعار16 مايو 2010 في 5:50 م

    اشكركم على الوصفات اللذيذة لكن اعتبر كلمة (هههههههههه) استهزاءا

    ردحذف
  27. اهلا بكم في مدونتي ومتشرفة بزيارتكم لمدونتي
    ولكن انا اعتبر هههههههه ضحك وليس باستهزاء لاني اشعر بزواري وكأني صديقتهم واقدم معلومات حتى يستفاد منها زواري على قدر المستطاع ولا اطلب منهم الا دعوة بالخير لي ولعائلتي فلا يعقل اني نستهزا بيهم وانا من طبعي احترام الجميع آسفة اذا كنت جرحت شعوركم
    شكرا لزيارتكم
    تقبلو تحياتي

    ردحذف
  28. مرسي كتير على هدا المجهود الرائع عن جد هدا المجهود جاب نتيجة ممتازة ربي يوفقك و طول ف عمرك انا اختك هــاجر من الجزائــــــــر

    ردحذف
  29. اهلا حبيبتي هاجر متشرفة بيك وشكرا على كلامك الطيب اللي اسعدني كتير ’’’’’’بلفعل فرحت لتعليقك وكل مجهودي يهون في خاطر زواري واي سؤال او استفسار لاي وصفة انا حاضرة من عيوني

    ردحذف
  30. مساء الخير اختي سهاد انا هاجر ادا ممكن اريد وصفة الغريبية الجديدة و البيتزا وربي يعطيك الف عافية و يطول ف عمرك و انشاء الله نستفيد منك كتير

    ردحذف
  31. مساء الخير اختي سهاد انا هاجـــر ممكن لو سمحتي بدي وصفة الغريبية الجديدة و البيتزا كيف تحضر طريقتها ومشكورةجدا هدا الوصفات اتفيدنا كتير ف المستقبل انشاء الله يعطيكي الف عافية وربي يطول في عمرك و مرسي كتير

    ردحذف
  32. اهلا بيك اختي هاجر وبالنسبة لسؤالك البيتزا راح اضع وصفتها والصور لاني محضرتهم وفهاد اليومين انزلهم في المدونة انتظريني
    وسؤالك الثاني وبالنسبة للغريبية الجديدة ما عرفتهاش لاني نعرف الموديل القديم ويمكن فيه اشكال جديدة خرجت وانا ما شفتهاش لاني مش موجودة في بلادي الحبيبة وراح اسأل ناس بلجزائر عليها ولكن يا ريت تعطيني معلومات اوضح كيف عامل شكلها
    ومن دواعي سوروري انك تستفيدي من وصفاتي هذا هو هدفي من مدوناتي
    تهلاي في روحك

    ردحذف
  33. مساء الخير
    الله يعينك اول شي الله يسلم ايديك على هدي الوصفات الجميلة والله عجبتني كتير بس ممكن سؤال(( بودينغ)) الارز ..... هيا مثل الارز انتاعنا الجزائري ولا كيف انا من الجزائر و عمتك هاجـــر

    ردحذف
  34. اهلا العمة هاجر وشكرا على كلامك الطيب يا طيبة وبالنسبة لسؤالك الوصفة اللي عملتها هي المحلبي مثل ما قلت في عنوانها وانا آسفة لاني ما حطيتش المقادير وهي نفس مقادير المحلبي حليب رز انا اعمل نوعين من الرز الرز المرحي او المايزينة نشاالذرة والرز اللي حبتو تكون كاملة ولكن بشرط يكون من النوع الدائري او الرز المصري اذا كنت فهمتي مقصودي وبعدين في الاخير اعمل ماء الزهر لتعطير المحلبي
    وفي وصفتي عملت فواكه موز فراولة وليكيوي كل واحد وذوقو انت وماتحبي من فواكه لاعطاء نكهة مخالفة للعادة وحتى يستفادو الاطفال من الفواكه لاني اطفالي في بعض الحالات ما يحبو الفاكهة الا الموز وبهاد الوصفة ياكلو الفواكه
    ان شاء الله اكون افدتك وان شاء الله احط المقادير بالتفصيل

    ردحذف
  35. ممكن سؤال لو سمحتي ادا كان عندك سكايب او ياهوا ادا حبيتي اكتبيهلي بليز

    ردحذف
  36. اهلا هاجر مافيش مشكل اعطيني عنوانك على امايلي الموجود في المدونة وانا اراسلك واعطيك عنواني الثاني على الياهو اتمنى فهمتيني
    تهلاي في روحك

    ردحذف
  37. الله يعطيك العافيةاخت سهادوالله العظيم حبيتك من قبل ما ااشوفك انت باينة ست بيت محترمة و شاطرة كمان هيك الستات ولا بلاش الله يعينك علينا وعلى وصفات يلي يطلبولك فيها الله يكون معاكي عارفة انا بدي اتعرف عليكي اكتر ادا ممكن
    ((( محدش بيحبك .. محدش محتجلك .. محدش بيفكر فيك
    عارف انا مين ؟؟؟ .. انا محدش))) مرسي كتير على كل شي

    ردحذف
  38. السلام عليكم اختي هاجر
    لو سمحتي انا حابة اعرف تقصدي ايش من هاد الجملة اللي كتبتيها عدة مرات
    ((( محدش بيحبك .. محدش محتجلك .. محدش بيفكر فيك
    عارف انا مين ؟؟؟ .. انا محدش)))
    لو سمحتي وضحيلي حتى اقدر اتواصل معاك اختي
    اختك سهاد

    ردحذف
  39. سهاد علاه مراكيش تدخلي للايميل سلام واش راكي علاه مراكيش تردي لخير تهولت عليك ختي وتوحشتك بزاف ضمنيني عليك بليز ولله نحبك حنان ختك

    ردحذف
  40. اهلا حنان والله يطمنك على كل غالي يا رب يا حنان انا ما عنديش بزاف الوقت باه ندخل لمايل انا ندخلو باش برك انشوف التعليقات اللي تجيني من زواري والا لامور ثانية ما نقدرش نقعد نهار كامل حالاتو اسمحيلي اذا تقلقتي عليا انا كل مرة كيفاش مرة يتعبو ولادي ويمرضولي امالا انا تاني نكون تعبانة والحمد لله على كلشي يجي من عندو تعالى ,,,,,,,,, ايا تهلاي في روحك حنونتي

    ردحذف
  41. السلام عليكم اختي انا اول مر ةنزور هده المدونة يعطيك الصحة عمل شباب بزاف ربي يقدر عليه انا حابة نجرب حلوة ليكورني الا قدرتي ربي يعطيك ما تتمناي بالصور باه نفهم باي

    ردحذف
  42. سهاد انا كنزة من البليدة نتمنى تجاوبيني ومتطوليش

    ردحذف
  43. اهلا حبيبتي كنزة وشرفتني زيارتك لمدونتي وان شاء الله اول ما يكون عندي وقت انزللك الوصفة بالصور بصح في مدونتي الثانية اللي فيها الحلويات التقليدية والحديثة انتضريني في الايام المقبلة بأذن الله
    تقبلي تحياتي

    ردحذف
  44. شكر يابنت بلدى انا ريناد ن الجزائر شكر على تقديمك لنا الحلويات

    ردحذف
  45. يعطيك الصحة ختي سهاد يا ريت نلقى عندك وصفة نتاع المقروط الي يطيب في الكوشة ماشي مقلي شكرااااااااااااااااااااااااااااااااا

    ردحذف
  46. اهلا اختي سهاد انا ايمان و حابة نعرف كيفية قاطو الكحلوشي جربته مرة و راحت لي الوصفة هو يتحشي بالكوكاو و الكاكاو و كذلك شفت في المحلات قاطو طلية مزين بوردة من الطرف هل عندك فكرة عنه هل هو صابلي و مطلي ام ماذا و شكرا

    ردحذف
  47. اهلا بكم كلكم ليان (ريناد) والاخت اللي سالت عن وصفة المقروط اللي يطيب في الكوشة هو نفسو الاختلاف فقط في طريقة طيابو يعني واحد نقليوه والثاني نحمروه في الكوشة

    واختي ايمان اهلا بيك وبالنسبة لسؤالك انا هاد الوصفة ما نعرفهاش وحلوة الكحلوشي ان شاء الله نعطيك الوصفة على الايمايل انتاعك اذا تفضلتي واعطيتيهولي
    انخليكم في امان الله

    ردحذف
  48. merci beaucoup à l'effort.je suis algerienne mais j'habite en france .je m'ennuie de mon pays et ses coutumes et traditions.

    ردحذف
  49. حميدة مازونية غليزانية تعشق بلادها بزاف بزاف.
    تحياتي لناس مازونة بولاية غليزان

    ردحذف
  50. السلام عليكم و رحمة الله و بركاته, تبارك الله عليك اختي لكن انا من المغرب و مهمتش مزيان الوصفة, ممكن القاه en français, شكرا بزاف.
    ilham.el88@gmail.com

    ردحذف
  51. jazaki allaho 5ayran w mata3aki besi7a wal 3afia o5tek tounsia

    ردحذف
  52. اهلا اختي تونسية وشرفتني زيارتك وجزانا الله ومتعنا بالصحة وياك

    ردحذف
  53. شكرا لكل من علق على الوصفة بارك الله فيكم

    ردحذف
  54. أنا ليوم حنيدر هذي الوصفة و نشاء الله يجيني مليح باش نقدمو فلعيد الأضحى و صح عيدكم جميعا ...
    شهرزاد من الأولاد فايت الجزائر العاصمة <3

    ردحذف
  55. اهلا شهرزاد وان شاء الله تنجحلك الوصفة واذا حبيتي ابعتيلي الصورة وانا نحطهالك في المدونة وعلي فكرة انت مش برك بنت بلادي وزيد بنت المنطقة اللي ساكنين فيها اهلي ولاد فايت
    تهلاي في روحك اختي

    ردحذف
  56. ahlan souhad اهلآ سهاد تبارك الله عليك يا ربي يخليك ل أولادك شكرا على وصفاتك و أطباقك شهية ،ان شاء الله س أ ب ،

    ردحذف
  57. اهلا بيك حبيبتي في مدونتي وشكرا على التعليق وكلامك الطيب والله يخليلك كل غالي

    ردحذف
  58. بارك الله فيك

    ردحذف
  59. وفيك البركة اهلا بكم في مدونتي

    ردحذف
  60. روعة كتير حلو اعطيك العافية
    نا الاخت ابتسام من الجزائر ياريت كل مرة تعطينا وصفات اخرى الله يعطيك العافية

    ردحذف
  61. اهلا بيك الاخت ابتسام
    ان شاء الله لما ايكون عندي وقت انزللكم وصفات ثانية واذا حبيتي زوري مدونتي الثانية فيها وصفات ثانية من الحلويات
    http://gateau-oriental.blogspot.com/
    تقبلي تحياتي

    ردحذف
  62. شكرا لكي أختي على الوصفة الأكثر من رائعة

    ردحذف
  63. اهلا بيك في مدونتي ومن دواعي سروري ان الوصفات تعجبكم
    اختكم سهاد

    ردحذف
  64. sa fait plaisir de trouvé un lien comme ce lui si il est très importent surtout que l idée et de la part d une femme Algerienne merci bien que Allah t aide en plus de plus ;;;bonne continuation

    DE LA PART DE """"Lange2Paradis"""

    ردحذف
  65. بارك الله فيكم وصفاتكم عسل انا فلسطينية وبعمل حلويات اهلي وحبايب قلبي وكثير طيبة والتشاراك صار عندي اساسي بالعيد بس سامحونا سميته هلال العيد بما انه يشبه هلال العيد الي بنستناه كل عيد اولادي بيحبوا كثير وتسلموا ويبارك فيك وكل عام والامة الاسلامية بخير واهل الجزائر بخير

    ردحذف
  66. انتم لا تصنعوا الحلويات فقط انتم تصنعوا الفرحة الفرحة شكرا

    ردحذف
  67. السلام عليكم
    انا دوك راني ندير فيه وفاتحة الصفحة باش نشوف منها الخطوات
    لحد الان الامور تمام
    شكرا

    ردحذف
  68. شكرا لكل من علق على الوصفة ومن دواعي سروري اني نفرحكم بوصفاتي ......ويا اختي ان شاء الله تنجحي في تطبيقك للوصفة بما انك اتبعي فيها خطوة خطوة بالتوفيق حبيبتي

    ردحذف
  69. سلام شكرا كتير يعطيك الصحة هذا قاطو ولا اروع شكرا على مجوهداتك موفقة باذن الله اختكي زهرة

    ردحذف
  70. سلام شكرا كتير يعطيك الصحة هذا قاطو

    ردحذف
  71. يعطيك الف عافية يا اختي ياريت تعطينا وصفات اخرى

    ردحذف
  72. شكرا لكل من علق وجزاكم الله كل خير وهذا شيء يحفزني حتى اضع وصفات جديدة

    ردحذف
  73. شهية طيبة

    ردحذف
  74. ما هو اسم المرجرين التي استعملتيها

    ردحذف
    الردود
    1. اهلا بيكم وبالنسبة لسؤالك الزبدة المستعملة هي زبدة نباتية كما بامكانك استبدالها بالزبدة الحيوانية او بالسمن واليوم لا اتذكر اسمها يمكن اشتريتها من كارفور يعني زبدة نباتية عادية
      تقبلي تحياتي

      حذف
  75. حابة نسقسيكم خوتاتي لعزيزات
    العسيلة منعرفش نخدمها ومتنجحليش
    نديل السكر والماء والنص حبة قارص وعود قرفة ونخفف نار عليهم ونخليهم اكثر من ساعة حتى تثقال لعسيلة وتطلع روعة وريحتها روعة لكن لي نشرب بيها الحلوى غدوا من داك نلقاها رجعت سكر يابس على الحلوى واش نعمل قولولي كيفاش نطيبها طياب صحيح مع العلم اني نكثر الماء بزاف لما نكون نطيب فيها ؟

    ردحذف
    الردود
    1. بالنسبة لسؤالك اختي ممكن العسيلة ما خداتش وقتها في الطياب يعني لازم يمتزج مليح السكر مع الماء والله اعلم لانو طريقتك صحيحة في طيابها

      حذف
  76. اخبروني اني استطيع اضافة الزيت للعجينه هل هاذا صحيح

    ردحذف
    الردود
    1. ممكنى اختي اضافة الزيت مع الزبذة اي خليط منهم الاثنين مش الزيت وحدو

      حذف