السبت، 16 مايو 2009

العصبان (تكربابين)





السلام عليكم ورحمة الله وبركاته

هذا الطبق معروف بالجزائر وخاصة في منطقة القبائل

 ساضع الوصفه باذن الله

كيفكم يا حلوين ان شاء الله الكل ايكون بصحة جيدة يارب

المقادير

1- حوالي 500 غ دقيق متوسط متل اللي نستعملوه للمقروض

2- خضر مشكلة ( توم - بصل - قرعة( الكوسة )- لفت - جزر - وبطاطا- وطماطم - مقشرة

انا استعملت المعلبة - وطماطم معجونه) ونضيف ونقشر الخضر ونحضرهم للاستعمال

3- عدس

4- زيت زيتون او الزيت اللي تفضليه اختياري

5- اعشاب عطرية متل البقدونس والنعناع وبهاراة انا استعملت راس الحانوت ملعقة صغيرة

من خميرة اللحلويات بكنج بودر

الطريقة

ناخد الدقيق و نضعو في اناء ونضيف الملح والتوم مدقوق والبصل المفروم فرم ناعم ونفرم

البقدونس (المعدنوس) والنعناع والطماطم المعجونه حوالي ملعقة كبيرة وزيت الزيتون

ونخلط

الكل ونمزجهم مع بعض بعد اضافة الماء بلقدر الازم ما نكترش حتى تتماسك العجينة ومش شرط

نعجنها نلمه فقط اييييه نسيت قبل ما اخلط كل المكونات اضيف للسميد ملعقة صغيرة من خميرة

الحلوة حتي تنتفخ العجينة وتكون هشة في اكلها

ونكور العجينة لعدة كور متوسطة الحجم متل البيضة

ونحضر المرق عادي نحط البصل والطماطم مفرومة و وشوية زيت زيتون واللي يحب اللحمة

يضيفها وبعدين نكونو غسلنا العدس ونضيفوه للمرق ولما يقرب ينضج نضيف الخضراوات بلاول

اللفت والجزر ولما يقرب نضجهم نضيف الكوسة والبطاطا لان نضجهم اسرع ولما يقترب نضج

المرق نضع حبات العصبان او التكربابين اللي كنا عملناهم من قبل ولما ينضج الكل اخر شيء

نضيف المعدنوس والنعناع علي وش المرق

وبصحة وهنا علي قلوبكم اكلة كتير طيبة انصحكم فيها

هناك 9 تعليقات:

  1. يعطيك الصحة اختي سهاد
    بالصحخ احنا العصبان نعملوها بشكل مختلف

    نعملوها بالكرشة اذا تعرفيها نتاع الغنم
    ونعمروها بالدواوات والمصارن ونتبلوهم ومن بعد نخيطوها

    بالصح هذه مافهمتش المكونات الي حطيتيهم ياريت تشرحيلنا
    وبارك الله فيك

    ردحذف
  2. صحيح يا سهاد حنا تاني نعملوه كيما قالت اختي الاوراسية بالكرشة نحشوها بالمصارنو باقي الدوارة مقطعة + القصبر+ المغدنوس+ البصل + الثوم + الحمص + التوابل و نخيطوها و نطيبوه في مرقة حمراء
    ما علاباليش كيفاه عملتيه انتي يا ريت تحطينا الطريقة شكرا ليك
    ........... إيمان

    ردحذف
  3. اهلا بيكم خوتاتي وانا اسفه لاني ما كتبتش طريقة الوصفه في الحقيقه كتبتها وما كملتهاش وعن طريق الوصفه كنتواكيد راح تفهمو ....هاد الطبق جزائري مشهور عند القبايل وانا تعلمتو من وحده جارتنا جزاها الله كل خير و يطبخوه خاصة في ايام البرد في فصل الشتاء وهو كتير للذيذ ومغذي و مكوناته من السميد والخضر و العدس ولحشاوش لاحقا بأذن الله راح نحطلكم الوصفه.............طبعا فرق كبير بينها وبين العصبان اللي نديروه بلكرشه وانا حطيت اسمين للوصفه للتوضيح اسمها التاني تكربابين..... اسفه للتأخير( راجع لضروفي )

    ردحذف
  4. الله يشفيك ويهنيك اختي سهاد
    وما يحرمنا من اطباقك الرائعة
    دمتي لنا
    وربي يحفظلك اولادك وزوجك ويهنيكم كامل

    ردحذف
  5. أشكر صاحبة المدونة لوضعها هذه الوصفة التي لطالما بحثت عنها
    بارك الله فيك ولك وعليك أختي

    ردحذف
  6. يعطيك الصحة احنا ناس البرج نعيطولو كرباب وانا شخصيا ما نضيفلوش خميرة الحلوى رايحة نجربها انشاء الله بارك الله فيك

    ردحذف
  7. شكرا اخواتي على ردودكم الطيبة
    وشكرا على دعواتكم لي
    وبالنسبة لاختي اللي من البرج لما اضيفي الخميرة راح تلاحضي ان الوصفة راح اتكون اهش لانها تتنفخ شوية وبالطبع ابن لهشاشتها بصح ماتكثريش غير شوية لا تتفتتلك واعطيني رايك بعد اضافة الخميرة (ان شاء الله تعجبك )
    تقبلو تحياتي

    ردحذف
  8. قاتلك يما يعطيك الصحة راني فهمت هذي لروسات اليب كنت نحوس عليها وشكرا ولا كتب ربي اليوم نديرها عشاء لولادي ونخلولك ةطبسي

    ردحذف
  9. اهلا عبد الحق
    وقول اليماك ان شاء الله ادير الوصفة وتعجب كل العايلة (خاصة انت يا عبد الحق ) وشكرا على الطبسي مقدما
    تقبلو تحياتي

    ردحذف