الجمعة، 4 ديسمبر 2009

حلويات العيد (مشوك الكاوكاو -قريوش - بغرير)











السلام عليكم ورحمة الله وبركاته

كيفكم اليوم ان شاء الله يكون كل متتبعي مدونتي بالف صحة وخير يا رب

انا اليوم راح اضع حلويات العيد الكبير بالرغم من اني ما عملت كتير حلويات وهذا راجع لكون ابني الصغير كان مريض فما كانش عندي الوقت الكافي لعمل الحلويات وراح احط الحلويات اللي عملتها وان شاء الله تنال اعجابكم
في الاول راح انزل وصفة المشوك بلكاوكاو او الفول السوداني
المقادير
نصف كيلو كاوكاو ناعم يعني يكون محمص وفارمينو فرم ناعم
وحوالي 300 غ كاوكاو مهرمش مفروم فرم خشن
وحوالي 200 غ سمسم او جلجلان
500غ زبدة مارجرين
وكاس وربع وتقريبا سكر
5 بيضات مفصول الصفار عن البياض
ملعقة كبيرة خميرة الحلواني بكنج بودر
كيس لفاني
الطريقة
نعمل السكر مع الزبدة وصفار البيض في اناء كبير للم العجينة
وبعدين نضيف بودة الكاوكاو ونخلط الجميع وبعدين نضيف الفرينة او دقيق الحلويات
مع خميرة الحلواني ولفاني حتى نلم عجينتنا
وبعدين نعمل الشكل اللي نحبوه طوليا اودائري من العجينة ونغطس حباتنا في بياض البيضوبعدين الفول السوداني المفروم ونضعه في اناء الفرن
ونخلي جزء من عجينتنا لعمل اشكال اسطوانية ونغمسها في بياض البيض وبعدين في السمسم
وهكذا حتى تكمل كل عجينتنا وبعد طهيها نقومو بغطسها في العسل
ان شاء الله اكون وفقت في شرحي
وشهية طيبة للجميع


هناك 19 تعليقًا:

  1. السلام عليكم و رحمة الله وبركاته يعطيك الصحة حبيبتي سوسو فوق مراكى مريضة مزالك اتخمي فينا و اتمتعى فينا بحلوياتك اللديدةو الراءعة يسلمو ايديك وانا اليوم رانى فرحانه كثير لانى سبقت الاخت الاوراسية فى التعليق ههههههههههههه نجود

    ردحذف
  2. والله يا نجود كعادتك دمك خفيف وحلوة ......امالا راكي فرحانة كيسبقتي اختي اوراسية في التعليق هي بلفعل نعم الاخت ودائما تتفكرني وطل عليا في مدونتي شوفي اذا حبيتي تدخلى لمنتداها العنوان انتاعو راهو في المدونة الاسرة الجزائرية المسلمة وتقريبا اغلبيتهم جزائريات عضواتو وماشاء الله منتدى روعة ومنوع فيه كتير امور اللي تهم بلفعل عالم المرأة
    قبلاتي ليك وللوليدات ولطارق

    ردحذف
  3. حلوى لديدة الله يعطيك الصحة والعافية

    ردحذف
  4. الله يسلمكم ويعافيكم
    ويا ريت ذكر الاسم

    ردحذف
  5. ربي يخليك يااختي

    ردحذف
  6. الله يعطيك الصحة و العافية
    بارك الله فيك باين انها حلوة لذيذة يسلمك يديك

    ردحذف
  7. حلوي حلوة كتير يسلموااااااااااا

    شكراااااااااااااا لك

    ردحذف
  8. شكرا لتعليقكم وشرفتني زيارتكم

    ردحذف
  9. يعطيك الصحة والعافية ويحفضك للجزائر انت جزائرية ونص وشرفة بلادك شكرررررا

    ردحذف
  10. شكرا لك حبيبتي وشرفني حضورك لمدونتي جزاك الله كل خير على كلامك الطيب يا طيبة

    ردحذف
  11. ماشاء الله روعة

    ردحذف
  12. ماشاء الله

    ردحذف
  13. شكرا على التعليق وانتم الاروع (يا ريت ذكر الاسم)

    ردحذف
  14. واو جميل لكن سهل وما يخلع شكراااا باي

    ردحذف
    الردود
    1. اهلا ندى ومليح اللي جاك سهل وما خلعكش ههههه عجبني كلامك ( سهل وما يخلع )

      حذف
  15. نورالهدى الوهرانية16 أغسطس 2012 في 1:35 ص

    الله يباااااااارك رووووووووووعة مممممممم عجبتني بزااااااف المشوك ...حسبته ف1 بالجلجلان
    الله يبارك عليك
    لي عودة باذن الله

    ردحذف
  16. شكرا ليك اختي نور الهدى على تعليقك ومرحبا بيك في اي وقت تشرفيني فيه

    ردحذف
  17. الله يعطيك الصحة و العافية

    ردحذف
  18. merci becaup

    ردحذف