الاثنين، 14 ديسمبر 2009

الفلافل (( من اجل نجود ))


السلام عليكم ورحمة الله وبركاته

اهلا فيكم زواري الكرام

واليوم راح اقدملكم وصفة الفلافل الشهيرة بطريقتي

 وفي الحقيقة حبيبتي نجود احدى زوار مدونتي وزوجة

اخي في نفس الوقت شرطت عليا هاد الوصفة وطبعا 

شروطها اوامر


باذن الله راح انزل اليوم الصور وغدا اكتب المقادير
انا آسفة على تاخري في انزال المقادير وهي كالتاللي 

حوالي  500 غ من الحمص اللي نكونو سبق وحطيناه في الماء لمدة لليلة كاملة ووضعه في التلاجة

 4 حبات بصل
ربطتين معدنوس او بقدونس
ونقوم في الاول بطحن الحمص في الة الطحن جيدا حتى يصبح متل العجين وبعدها نقص البصل ونضيفو هو والمعدنوس على الحمص ونطحن الكل مع بعض حتى يمتزجو وفي الاخير نضيف الملح والكمون ونخلط الكل واخر شيء ملعقة بكربونات الصودا
  انا اضفت السمسم في خلطتي يعطي طعمة  حلوة للفلافل اختياري  باستطاعتك الاستغناء عنو ونكورهم  وبعدين نقليهم في زيت حامي

وبالشفا والهنا عليكم

هناك 8 تعليقات:

  1. يسلمو يااحب واغلى سوسو ولله انك كنت عند وعدك الله ايخليكي ويحميكي يارب نجود

    ردحذف
  2. تعيشي نجود واللهم آمين على دعواتك ليا واكيد اللي يوعد لازم يوفي بوعدو وانت ادرى بيا اذا قلت كلمة لازم انديرها ولكن للاسف في بعض الاحيان ما يكونش عندي الوقت لتنزيل الوصفة على المدونة
    سلميلي على الاولاد
    وما تنسايش النسنوس وسيم بوسيهولي توحشتو

    ردحذف
  3. الله يبارك سهاد اول مرة نسمع بهذا الطبخة فهميني مليح الحمص نشمخو ومن بعد نرحيه والا العكس هههههههه
    اختك فهمها ثقيل

    ردحذف
  4. اهلا اختي الاوراسية هاد الطبخة معروفة كتير في دول المشرق العربي وكاين اللي يسموها طعمية وفيه اللي يسموها فلافل والمصريين ياكلوها دايما ويوروها في مسلسلاتهم اكيد ما خديتيش بالك برك ..... المهم ارجعلك للوصفة هي اقتصادية ومشهورين فيها الناس البسطاء زمان ومقاديرها متواجدة في كل بيت
    وبالنسبة لسؤالك الحمص يكون مشمخ ونصفيوه مليح من ماه باش نرحيوه مليح مع بقية المتطلبات البصل والمعدنوس ان شاء الله نكون فهمتك

    ردحذف
  5. الف شكر حبيبتي وربي يخليك
    صح كنت نسمع بيهم بالصح مانيش عارفتهم حسبتهم بالفلفل ههههههههههههههههههههههه
    ان شاء الله نجربها ويارب تعجبهم
    مادام منن ايديك اكيد راح تكون مليحة

    ردحذف
  6. شكرا اختي الاوراسية وان شاء الله تصلحلك الوصفة اهم شيء تعجنيهم مليح في الروبو تبعي الخطوات كيما درتهم و تنجحلك الوصفة ودايما كلامك الحلو متلك يثلج قلبي

    ردحذف
  7. سلام اختي الكريمة انا ليلى من الجزائر عاصمة يعطيك الصحة على كل المجهودات المبذولة مدونتك تثير الاهتمام و مشكورة كثيرا على كل ما تبذلية من جهد كان اللة في عونك انا سيدة ربة بيت اعمل في صنع الحلويات التقليدية و الحديثة للافراح و المناسبات هذا ايمايلي الشخصي اذا اردتي ان نتواصل لنتبادل الخبرات و التجارب حفظك الله و رعاك اختك في الله ليلى djoumana02@live.com

    ردحذف
  8. اهلا اختي ليلى وشرفتني زيارتك لمدونتي
    مشكورة على كلامك الطيب وبلفعل المدونة
    اخذت مني وقت وجهد وخاصة انا عندي 3 مدونات
    المهم ان شاء الله يستفيد زائريا من المواضيع
    والوصفات راجية منهم دعوة في القلب بالستر
    ليا ولعايلتي
    وانا سعيدة اني تعرفت على اخت جزائرية وتعمل الحلويات التقليدية والحديثة وان شاء الله نتواصل مع بعض للدردشة على هوايتي المحببة لصنع الحلويات
    وعلى فكرة انا عندي مدونة مخصصة لعمل الحلويات ياريت تشرفيني فيها وتشوفي حلوياتي اللي اعملها
    هادا هو عنوانها
    http://www.gateau-oriental.com
    تقبلي تحياتي اختي

    ردحذف