الثلاثاء، 1 ديسمبر 2009

عصير فواكه (موز , كاكي , كيوي)












السلام عليكم ورحمة الله وبركاته

ان شاء الله الكل ايكون بالف صحة وخير
جبتلكم اليوم عصير كتير للذيذ واهم من هيك انو كتير صحي فيه مجموعة من الفيتامينات اهمها
A والفيتامين C الفيتامين

ومكونات عصيرنا كالتالي
الفواكه الموز والكاكي والكيوي
والحليب والكريمة اللباني
ققط بدون سكر
وراح يكون عصيرنا كتير حلو بالسكر الطبيعي الموجود بفاكهتنا وانا يومها ذقت الكيوي متعودة مذاقو يكون حامض ولكن هذا يومهاطعمو كان كتير حلو وفاكهة الكاكي كان طعمها مسكر متل العادة المهم ايكون ناضج كويس مش نصنص تمام النضج ويكون كانو معسل بداخل الحبة ويا سلام على طعمو لوحدو بدون اضافات
الطريقة
نغسل كويس فاكيتنا ونقطعها قطع صغيرة حتى نضعها في خلاطنا
ونضيف الحليب الكافي تقريبا كوبين حليب وفي الاخير بعد نخلطهم كويس نضيف الكريمة ونعيد خلطهم للمرة التانية ويا سلام على طعم عصيرنا كتير طيب وفي استطاعتنا انا نخليه بلفريزر ويصير ايسكريم طبعا وكل مرة ومرة نحركو ويقدم ولكن انا يومها عملتو عصير وكان كتير ثقيل مثل اللبن الرايب
ولو حبيتو تخففوه ضيفولو الحليب انتو ومذاقكم
وراح اخليكم مع الصور التوضيحية متمنية ان الوصفة تنال اعجابكم

هناك 12 تعليقًا:

  1. السلام عليكم اختي سهاد
    اولا طمنيني على صحتك من يوم الي دخلتي وخبرتينا انك مريضة وانا قلقة عليك ارجو ان تكوني بخير وياريت فيه طريقة اطمن بيها عنك لما تغيبي
    وثانيا يسلمولنا ايديك على وصفاتك الشهية لكن يا خسارة احنا الكيوي عندنا اغلى من كيلو لحم والكاكي ما اعرفو ابداااااااااههههههههههههههه
    المهم لما يتوفرو ان شاء الله

    ردحذف
  2. اهلا اختي الاوراسية وشكرا على سؤالك
    شوفي كينغيب اعرفي بلي كاين مشكل هههههه بصح من المنتدى عملي نفس المشكلة انتاع المرة اللي فاتت ما قبلنيش ندخل حاولت وحاولت بدون فايدة وخليتلك رسالة في موقع لك
    واش انقلك انا صحيا ما تشكريش تعرفي يدي ماعلباليش واش صرا تنفختلي وزراقتلي وما قدرتش نحرك معصمي درك عندي يومين رحت للطبيب في قسم الاستعجالات شافهالي وعملولي بلاتر باش ما نحركهاش وقالي على 5 ايام نروح نشوف الطبيبة واللي خوفني انها يدي اليسرى لازم في اقرب وقت نعمل رسم تخطيطي لقلبي وان شاء الله ما يكون غير الخير
    اختي الاوراسية يا ريت تصلحي الخطء اللي يسرالي كل مرة نحب ندخل المنتدى وما نقدرش
    تهلاي في روحك وسلميلي على عايلتك وكل بنات منتدانا

    ردحذف
  3. سهاد أنا فاطمة الزهراء
    سلامتك و بالشفاء العاجل بإذن الله
    عندها الحق الأخت أوراسية في الكيوي و الكاكي اللي عمرنا ما سماعنا بيه بصاح يشهييييييييي أمممممممممممم
    تحياتي الحارة و بوسيلي الدرورات

    ردحذف
  4. السلام عليكم اختي سهاد لاباس عليك ما يكون غير الخير ان شاء الله كنت رايحة نقولك لكزي بزيت الزيتون سخون لكن كي دارولك بلاتر ان شاء الله سليمة
    ما شاء الله على الياس وهبة ربي يحفظهملك ماشي عندك 3؟ ولا ما حبش يتصور؟هههههه ربي يعيشهم
    ويعطيك الصحة على العصير انا هاذي اول مرة نتعرف على الكاكي كنت نشوفو نجوز عليه ونخليه لكن كي ذقتو بنين عسل
    ان شاء الله نجربه في اقرب فرصة
    خليتلك الراحة حنونه واتهلاي في روحك ادي كونجي اخدمي حاجة خفيفة وخلي الباقي الشغل ما يطيرش

    ردحذف
  5. شكرا ليك اختي فاطمة الزهراء على دعاءك والله يستجيب ونبرا بسرعة لوليداتي وزوجي فهاد الغربة ماكانش اللي يوقف معاك غير ربي واحسن حاجة هى الدعاء لله تعالى والله يتقبل منا ومنكم
    وبالنسبة للكيوي انا شفتو فهاد الصيف كاين في ادزاير بصح ما عرفتش سعرو ومنكم اللي عرفت بلي غالي الله يجيب اللى فيها الخير للبلاد ويرخس كلشي راهو الغلى اللي خلى الناس مش لاحقة وفي كلش تحيري الدراهم يدخلو للبلاد والغللى ما حبوش ينقصو على الشعب المسكين ما هوش لاحق ربي مع الجميع
    ههههههه فاطمة الزهراء تعرفي فاكية الكاكي كتير للذيذة وفيها فيتامين A وفي بلدنا تنبت وتربتنا صالحة ليها للاسف ما يستغلوش الاراضي ويزرعوها بصح كاين بزاف ناس في الجزائر زارعينها
    قبلاتي الحارة ليك ولوليدك

    ردحذف
  6. اهلا حبيبتي وعزيزتي خيرة وكلامك ينزل على قلبي كيلعسل
    ونشكرك على دعاك فانا بحاجة لدعوتكم يا خوتاتي والله راني خايفة يكون قلبي بعيد الشر لاني مرضت بيه زمان كيكنت حامل ببنتي هبة وعملت لامنيوزانتاز وقالولي عندي جنين معاق راح يخرجلي وقالولي بنت ومن يومها وانا مريضة ومستريسية حتان زادت مدة 6 شهر وانا في حالة ومرضت وقتها بقلبي وقالي الطبيب غير اتزيد بنتك زيدي اعملي رسم تخطيط قلب تاني وانا ما عملتش ليومنا هادا بنتي عندها 7 سنوات الله يحفضهالي من كل شر يا رب تعرفي فهاد ليام هي تاني ماراحتش للمركز انتاعها راهي مريضة تاني والله ايكون معانا ومع جميع المومنين
    الله يعيشك حنونتي ويعيشلك بناتك ولادي تلاته صح وان شاء الله نحط صورهم في القريب في مدونة هبة وتشوفي بدر اكبرهم عندو 10 سنوات
    وفاكية الكاكي روعة واهم شىء مفيدة صحيا غير اشريها لانها تقعد مدة وتروح ما تبطاش وهرسيها واعطي لبناتك تفيدهم
    الله يريحك اختي خيرة انت تاني وما تشوفي شر
    ولما نحي لبلاتر نلكز يدي بالزيت ان شاء الله
    تهلاي في روحك ولبنات وقبلاتي ليكم

    ردحذف
  7. هاي حبيبتي سوسو انشاء الله تكوني بخير و الله يشفي لياس يا رب قولو امين يسلمو ايديك على العصير شكلو كثير طيب ارجو منك انك تعمليلنا كرام كرمال و ارجو اني ما اكون ثقلت عليك تحياتي للكل نجود

    ردحذف
  8. اهلا نجود الله يسلمك والياس الحمد لله ارتاح زادت مرضت هبة واناياوالحمد لله على كلشي يجي من عندو
    وبالنسبة للعصير مش شكلو برك وحتى طعمو اروع واهم من كلشي انو صحي وما في ولا مشكل ان شاء الله في اقرب فرصة اعملك الكريم كراميل وبلعكس عمرك ما تثقلي عليا على قلبي كيلعسل
    تهلاي في روحك
    اختك سهاد

    ردحذف
  9. شكرا يا احلى سوسو في هده الدنيا الله يشفيكم ويحميكم من كل بلى يا رب ويخليلك زوجك و يحفضهولك من كل سوء امالا مدام مرنيش انثقل اعليك يللا وجدي روحك الطلباتي ههههههههههههههه تحياتى نجود

    ردحذف
  10. اهلا نجود والله يسلمك على فكرة صبحة كاملة وانا نتصل وما حكمتكش وولادك سمعت راهم مستولين على لورديناتور وما يخليولكمش فرصة وما قالولكش بلي اتصلت بيك؟
    وابدا عمرك ما تقلي عليا حضورك وطلباتك كلها اوامر شفتي لوسة كيما انا ولا خلي ههههه الله يدوم المحبة يا رب

    ردحذف
  11. السلام عليكم.ماشاء الله عليك اختي سهاد و شفت ايضا ردودك مع الناس اللي تبعتلك, فعلا قمة الروعة,و الكلام الي جاي من القلب
    ربي يحفظك
    معاك شهيناز من فرنسا و عيدكم مبارك و كل عام و انتما بخير

    انتظري مني بعض الاسئلة اذا ما كان فيه مانع ي ا يخص الطبخات

    ردحذف
  12. اهلا اختي شهيناز وشرفني حضورك والله يخليك على كلامك الطيب متلك والله يحفض الجميع
    وعيدك مبارك وكل عام وانت بخير

    وتفضلي حنونتي اي اسالة انا حاضرة واكيد ما في مانع

    ردحذف